The bridge of memories

જ્યારે પણ
'તેને' યાદ કરું છું,
ધસમસતી આવે છે
સ્મરણોની ટ્રેન;
હું પુલની જેમ થરથરું છું!
- મિલિન્દ ગઢવી

( 'અખંડ આનંદ' - મે-૨૦૦૯)

The bridge of relation

અચાનક

આપણી વચ્ચે

આ લાગણીઓનો ટ્રાકિક જામ?

નક્કી

પુલ તૂટ્યો હોવો જોઇએ.

- મિલિન્દ ગઢવી

( 'અખંડ આનંદ' - મે-૨૦૦૯)

Painting your absence

શૂન્યતાનો રાસ દોર્યો ને લખ્યું કે 'તું નથી'
ભીંતનો અટ્ટહાસ દોર્યો ને લખ્યું કે 'તું નથી'
- મિલિન્દ ગઢવી

Windmill

હવાની હામી ભરવામાં ઘણી તકલીફ પ્હોંચી છે
પવનચક્કીને ફરવામાં ઘણી તકલીફ પ્હોંચી છે
- મિલિન્દ ગઢવી

Bell tower

આપણો સમય
ચૂપકીદીથી ન ચાલ્યો જાય

એટલે જ કદાચ આ

ટન્…ટન્…ટન્…

- મિલિન્દ ગઢવી

Why Me?

બહેરાશના ગણતંત્રમાં પડઘાઉ છું હજી
કૈં કેટલા આરોપસર ચીંધાઉ છું હજી
- મિલિન્દ ગઢવી

Looking For Lights

ક્યાંથી જન્મી છે આવી ખંત મને
કોઇ ભીતર મળે જ્વલંત મને
- મિલિન્દ ગઢવી